पुष्पाई भित्तीकाव्यचित्र प्रदर्शन" साठी कविता पाठविण्याचे आवाहन...

पंढरपूर LIVE 3 मे 2018

पंढरपूर (प्रतिनिधी) :- प्रतिवर्षी मे महिन्यातील दुसर्‍या रविवारी मातृत्व दिवस अर्थात मदर्स डे साजरा केला जातो. याच मातृत्व दिवसाच्या औचित्याने येथील 'साहित्य वर्तुळ परिवार', पंढरपूरच्या वतीने सौभाग्यवती पुष्पावती वसंत सोनार यांच्या स्मरणार्थ "पुष्पाई भित्तीकाव्यचित्र प्रदर्शन" चे आयोजन करण्यात आले आहे. यासाठी सोलापूर जिल्ह्यातील कवी आणि कवयित्री यांनी "आई" या विषयावरील स्वरचित मराठी भाषेतील कविता ०८ मे, २०१८ पर्यंत टाईप करून स्वतःचा परिचय (बायोडाटा), पत्रव्यवहारासाठीचा पत्ता, संपर्क क्रमांक आणि छायाचित्रासह sahityavartulevent@gmail.com या मेल आयडी वर ईमेल करून पाठवाव्यात असे आवाहन'साहित्य वर्तुळ परिवार', पंढरपूर यांच्या वतीने करण्यात आले आहे. यासाठी साहित्य वर्तुळ परिवाराचे संस्थापक अध्यक्ष कवी रवि वसंत सोनार यांच्याशी ०९९२२५१४३०० या दूरभाष क्रमांकावर संपर्क साधता येईल. निवड समितीच्या माध्यमातून निवड करण्यात आलेल्या कवितांचे भित्तीकाव्यचित्र बनवून ते स्वातंत्र्यवीर सावरकर वाचनालय पंढरपूर येथे “मातृत्व दिनाच्या” एक दिवसीय प्रदर्शनात लावण्यात येईल असे साहित्य वर्तुळ परिवाराच्या वतीने कळविण्यात

आले आहे.