पंढरपूर शहर पोलिस ठाण्याच्या वतीने डॉ.बाबासाहेब आंबेडकर जयंती उत्सवा निमित्त घेण्यात आलेल्या स्पर्धेचा पारितोषिक वितरण समारंभ आमदार भारत भालके यांच्या हस्ते रखुमाई सभागृह पंढरपूर येथे संपन्न झाला.

पंढरपूर लाईव्ह:-

पंढरपूर दि.5:- पंढरपूर शहर पोलिस ठाण्याच्या वतीने डॉ.बाबासाहेब आंबेडकर जयंती उत्सवा निमित्त घेण्यात आलेल्या स्पर्धेचा पारितोषिक वितरण समारंभ आमदार भारत भालके यांच्या हस्ते रखुमाई सभागृह पंढरपूर येथे संपन्न झाला.या कार्यक्रमाप्रसंगी उप-विभागीय पोलिस अधिकारी प्रकाश जाधव, तहसिलदार गजानन गुरव, शहर पोलिस निरिक्षक किशोर नावंदे, मंडळांचे प्रमुख सुनिल सर्वगोड, जितेंद्र बनसोडे, बाळासाहेब कसबे, सुजित सर्वगोड व रामचंद्र ननवरे उपस्थित होते.

डॉ.बाबासाहेब आंबेडकर जयंती उत्सवा निमित्त पंढरपूर शहरातील ज्या मंडळांनी सामाजिक उपक्रम चांगल्या पद्धतीने राबविले तसेच मिरवणुका शांतेत पार पाडल्या अशा मंडळांचा शाल, सन्मानचिन्ह, पुष्पगुच्छ देवून सत्कार करण्यात आला. तसेच शहरात ज्या मंडळानी डॉ.बाबासाहेब आंबेडकर जयंती उत्सव साजरा केला अशा सर्व मंडळांना प्रोत्साहनपर पारितोषिक देवून सत्कार करण्यात आला. जनता व पोलिसांचा संपर्क वाढावा. जनतचे पोलिसांबदृलचे मत परिवर्तन व्हावे तसेच पोलिस व जनता यांच्या मधील दुरावा कमी व्हावा यासाठी पंढरपूर शहर पोलिसांच्या वतीने असे उपक्रम यापुढेही राबविण्यात येणार आहेत. या कार्यक्रमाप्रसंगी शहरातील मंडळाचे अध्यक्ष, पदाधिकारी, शांतता कमिटीचे सदस्य तसेच नागरीक मोठ्या संख्येने उपस्थित
होते.

*************