वृत्तपत्र विक्रेत्यांचा पंढरीत शनिवारी मेळावा

पंढरपूर लाईव्ह:-

- कामगार दिनानिमित्त पंढरपूर शहर वृत्तपत्र विक्रेता संघटनेच्यावतीने शनिवार द़ि 2 मे रोजी सकाळी 11 वाजता पंढरपुरात वृत्तपत्र विक्रेत्यांचा व एजंटांचा मेळावा आयोजित करण्यात आला आहे. तसेच राज्य कार्यकारणीच्या नुतन पदाधिकार्‍यांची निवड करण्यासाठी दुपारी 3 वाजता बैठकीचे आयोजन करण्यात आलेले आहे.

न्यू सातारा शिक्षण संकुल, नवीन सोलापूर रोड आयोजित करण्यात आलेल्या मेळाव्याचे उद2घाटन पालकमंत्री ना. विजयकुमार देशमुख यांच्या हस्ते करण्यात येणार आहे. कार्यक्रमाचे अध्यक्षस्थान ‘पुण्य

नगरी’चे संस्थापक संपादक मुरलीधर शिंगोटे हे भुषविणार आहेत. यापˆसंगी आ.भारत भालके, शिक्षक आमदार दत्तात्रय सावंत, माजी आमदार सुधाकर परिचारक, वृत्तपत्र विक्रेता संघटनेचे राज्य सरचिटणीस सुनिल पाटणकर, सहकार शिरोमणी कारखान्याचे चेअरमन कल्याणराव काळे, नगराध्यक्षा साधना भोसले, न्यू सातारा समुहाचे चेअरमन राजाराम निकम हे पˆमुख उपस्थित राहून मार्गदर्शन करणार आहेत. यावेळी राज्याचे अध्यक्ष गोपीनाथ चव्हाण (रायगड), कार्याध्यक्ष हरिश्‍चंद्र पवार (मुंबई), कोषाध्यक्ष बालाजी पवार (नांदेड), पश्‍चिम , सरगम चौक, पंढरपूर येथे महाराष्ट्र उपाध्यक्ष रघुनाथ कांबळे (कोल्हापूर), केंद्रिय कार्यकारणी सदस्य मारुती नवलाई हे उपस्थित राहणार आहेत. मेळावा झाल्यानंतर वृत्तपत्र विक्रेता संघटनेच्या राज्य कार्यकारणीच्या नुतन पदाधिकार्‍यांच्या निवडीची बैठक दुपारी 3 वाजता मेळाव्याच्या ठिकाणीच आयोजित करण्यात आली आहे.

सदर मेळाव्यास पश्‍चिम महाराष्ट्रातील वृत्तपत्र विक्रेत्यांनी व एजंटांनी मोठ्या संख्येने उपस्थित रहावे, असे आवाहन सल्लागार शिवगोंडा खोत (इचलकरंजी), विकास सुर्यवंशी (सांगली), राजेंद्र माळी (सातारा), विजय सणस (बारामती) यांनी केले आहे. मेळाव्याच्या यशस्वीतेसाठी पंढरपूर शहर वृत्तपत्र विक्रेता संघटनेचे सभासद, विक्रेते परिश्रम घेत आहेत.

************