लोकमंगल बँक पंढरपूर शाखेच्या वतीने तिळगुळ कार्यक्रम संपन्न

पंढरपूर LIVE 18 जानेवारी 2019

लोकमंगल को-ऑप.बँक लि. सोालापूर, शाखा पंढरपूरच्या व पंढरपूर पत्रकार बांधवांच्या संयुक्त विद्यमाने पंढरपूर पत्रकार भवनमध्ये तिळगुळ वाटप समारंभ संपन्न झाला. कार्यक्रमाच्या अध्यक्षस्थानी जेष्ठ पत्रकार सिध्दार्थ ढवळे (सर) हे होते. प्रमुख पाहुणे म्हणून अ‍ॅड.भगवानराव मुळे हे उपस्थित होते.

प्रमुख मान्यवरांच्या शुभहस्ते दीपप्रज्वलन करुन कार्यक्रमाचा शुभारंभ करण्यात आला. शहा बुक स्टॉलचे संचालक उद्योजक संजय शांतीलाल शहा यांचा विशेष सामाजिक कार्यातील योगदानाबद्दल सत्कार करण्यात आला. तर ‘सेपक प्करॉ’ या क्रीडा प्रकारात महाराष्ट्र संघातून दुसर्‍या क्रमांकावर निवड झाल्याबद्दल कु.अमृता महादेव जाधव, रा.सिध्देवाडी या विद्यार्थिनीचा सत्कार करण्यात आला. यावेळी पत्रकार संरक्षण समितीचे जिल्हाध्यक्ष भगवान वानखेडे, पत्रकार सुरक्षा समितीचे अध्यक्ष रामचंद्र सरवदे, श्रमीक पत्रकार संघाचे अध्यक्ष शिवाजी शिंदे, पंढरपूर पत्रकार संघाचे अध्यक्ष नितीन शिंदे यांचा सत्कार करण्यात आला.