काँग्रेस आय ओबीसी च्या पदाधिकार्‍यांचा माजी मुख्यमंत्री पृथ्वीराज चव्हाण यांच्याशी संवाद

पंढरपूर (प्रतिनिधी):- काँग्रेस आय ओबीसी विभाग पंढरपूरच्या शहर अध्यक्ष मधुकर फलटणकर व विविध पदाधिकार्‍यांनी आज पंढरीत आलेले महाराष्ट्राचे माजी मुख्यमंत्री पृथ्वीराज चव्हाण यांच्याशी सुसंवाद साधला. यावेळी आमदार भारतनाना भालके, काँग्रेस आय चे तालुकाध्यक्ष प्रकाशतात्या पाटील, जिल्हाध्यक्ष ओबीसी विभाग समीर कोळी, युवक काँग्रेस चे माजी शहराध्यक्ष शंकर सुरवसे आदींसह अनेक कार्यकर्ते उपस्थित होते. 

यावेळी शहराध्यक्ष मधुकर फलटणकर यांनी काँग्रेस आय ओबीसी सेलच्या पंढरपूर विभागाच्या कार्याबाबत माजी मुख्यमंत्री पृथ्वीराज चव्हाण यांना माहिती देऊन कार्यकर्त्यांच्या समस्या सांगितल्या. काँग्रेस आय ओबीसी विभागाचे जाळे पंढरपूर शहरात पसरवून कार्यकर्त्यांच्या संख्येमध्ये लक्षणीय वाढ केल्याचेही त्यांनी यावेळी सांगितले. तळागाळातील सर्वसामान्य नागरिकांच्या हितासाठी काँग्रेस पक्ष कटीबध्द असून ओबीसी पंढरपूर शहर विभागातील पदाधिकार्‍यांनी व कार्यकर्त्यांनी यासाठी प्रयत्न सुरु ठेवल्याबाबत समाधान वाटले. असे मत यावेळी पृथ्वीराज चव्हाण यांनी व्यक्त केले. यावेळी पंढरपूर शहर ओबीसी विभागाच्या वतीने त्यांचा सत्कार करण्यात आला.

मुख्य संपादक-भगवान गणपतराव वानखेडे