पंढरीतील हाॅटेल धनश्री लाॅज येथील ग्राहकाची 65 हजाराची चोरी करणारे मोहोळ तालुक्यातील दोन चोरटे गजाआड! पो.उप.नि. हणुमंत देशमुख यांची कामगिरी!

पंढरपूर LIVE 4 मे 2018

पंढरीतील हाॅटेल धनश्री लाॅज येथील ग्राहकाची 65 हजाराची चोरी करणारे मोहोळ तालुक्यातील दोन चोरटे गजाआड!

पो.उप.नि. हणुमंत देशमुख यांची कामगिरी!

मार्च महिन्यात पंढरीतील हाॅटेल धनश्री लाॅज येथे मुक्कामास असलेल्या सांगली जिल्ह्यातील एका इसमाची मुद्देमालासह तब्बल 65 हजाराची चोरी करणाऱ्या दोन चोरट्यांना आज पंढरपूर शहर पोलिस ठाण्याचे सहा. पो. उप निरीक्षक हणुमंत देशमुख यांनी जेरबंद करण्यात यश मिळवले आहे.

याबाबत देशमुख यांनी पंढरपूर लाईव्ह ला दिलेल्या माहितीनुसार दि. 16 मार्च 2018 रोजी वरील ठिकाणच्या लाॅजमधील एका रूममध्ये सुनिल हिरालाल बंडरे (35), रा. धामणी, जि. सांगली हे मुक्कामी असताना रात्री 11 ते पहाटे साडेपाच च्या दरम्यान ते झोपले असताना अज्ञात चोरट्यांनी खिडकीतून रूममध्ये प्रवेश करत 1 लॅपटॉप, 1 आय पाॅड व 2 मोबाईल तसेच रोख 10 हजार रू. असा रोख रक्कमेसह तब्बल 65 हजार रू. किंमतीचा मुद्देमाल चोरी केला होता.

याबाबत बंडरे यांनी गुन्ह्याबाबत पंढरपूर शहर पोलिस ठाण्यात फिर्याद दाखल केली होती. तपासाधिकारी पो.उप.नि. हणुमंत देशमुख यांनी या गुन्ह्याचा सखोल तपास करून आज या गुन्ह्यातील संशयीत आरोपी बंदेनवाज उर्फ बंड्या मधुकर पवार (19) रा. ढोकबाभुळगाव, ता. मोहोळ व उमेश प्रकाश काळे (25) रा. मलीकपेठ, ता. मोहोळ या दोघांना अटक केली असून. यांनी गुन्हयाची कबुली दिली आहे. आरोपींकडून लॅपटॉप व मोबाईल ताब्यात घेतले आहेत.