पंढरपूर रांझणी रस्त्यावर अपघात 1 ठार दोन जखमी

पंढरपूर लाईव्ह

पंढरपूर तालुक्यातील पंढरपूर-रांझणी मार्गावर आज रात्री दि. 10 एप्रिल2015 ला सफारी आणि मोटारसायकल च्या समोरासमोर झालेल्या अपघातात मोटारसायकलवरील एकजण जागीच ठार झाला असून दोघेजण गंभीर जखमी झाले आहेत.

याबाबत सविस्तर वृत्त असे की, पंढरपूर ते रांझणी मार्गावर आज रात्री टाटा सफारी आणि मोटारसायकलचा चळे पाटीजवळ समोरासमोर अपघात झाला असून मोटारसायकल वरील बळीराम विष्णु शिरगुर (रा.आंबे वय-35)ता. पंढरपूर हे जागीच ठार झाले असून विष्णु पांडुरंग सुरवसे आणि पांडुरंग आण्णा दांडगे (रा.आंबे वय-35)ता. पंढरपूर हे जखमी झाले आहेत.

यातील टाटा सफारी (क्र. एम एच- 09 बी एम 1564) चालक फरारी असून अधिक तपास पोलिस हवालदार गायकवाड हे करत असल्याची अधिकृत माहिती पंढरपूर तालुका पोलिस स्टेशनचे ठाणे अंमलदार चव्हाण यांच्याकडून समजली. मात्र तालुका पोलिस स्टेशनचे सर्वेसर्वा गावडे साहेब हे सोलापूर मध्ये असून त्यांना अपघात झाल्याचे माहित आहे मात्र त्यांना याबाबत अधिक डिटेल्स् माहित नसून तात्पुरता तपास पोलिस हवालदार गायकवाड यांच्याकडे दिल्याची माहिती तालुका पोलिस ठाण्याकडून समजली.