पुण्यश्लोक अहिल्यादेवी होळकर मध्यवर्ती मंडळाच्या अध्यक्षपदी राहूल हाके यांची निवड

पंढरपूर LIVE 4 मे 2018

पंढरपूर, दि. ४ (प्रतिनिधी) - राजमाता पुण्यश्लोक अहिल्यादेवी होळकर मध्यवर्ती जयंती उत्सव समितीच्या अध्यक्षपदी राहूल हाके यांची निवड करण्यात आली आहे. येत्या दि. ३१ मे रोजी संपन्न होणारा जयंती उत्सव मोठ्या जल्लोषात साजरा करण्याचे नियोजन मध्यवर्ती मंडळाने केले आहे.

श्री विठ्ठल सहकारी साखर कारखान्याचे संचालक बाळासाहेब गडदे यांच्या अध्यक्षतेखाली मध्यवर्ती जयंती उत्सव समितीची बैठक पार पडली. या बैठकीत राहूल हाके यांची अध्यक्षपदी निवड करण्यात आली. राजमाता पुण्यश्लोक अहिल्यादेवी होळकर मध्यवर्ती जयंती उत्सव समितीची कार्यकारणी पुढील प्रमाणे, उपाध्यक्ष काशिलिंग खताळ, गोरख पांढरे, कार्याध्यक्ष अक्षय मेटकरी, नितीन मेटकरी, सचिव महेश हाके, सर्जेराव पाटील, खजिनदार प्रशांत घोडके, वैभव आलदर यांची निवड करण्यात आली आहे.

दि. ३१ मे रोजी होणाऱ्या अहिल्यादेवी जयंती उत्सवाच्या निमित्ताने, गजीढोल स्पर्धा, धनगरी ओव्या, रक्तदान शिबीर, मिरवणूक आदींचे नियोजन करण्यात आले आहे. दरवर्षी प्रमाणे यावर्षी जयंती सोहळा मोठ्या उत्साहात आणि जल्लोषात साजरा करण्यासाठी विठ्ठल पाटील, पंडीत शेंबडे, माउली हळणवर, शालिवाहन कोळेकर, संतोष सुळे, सुरेश ढोणे, बाबा लागस्कर, सीताराम कोळेकर आदी प्रयन्तशील आहेत.