चंद्रभागेच्या पाण्यावर तरंगताना आढळला अज्ञात युवकाचा मृतदेह...

पंढरपूर येथील विप्रदत्त घाटानजीकच्या चंद्रभागेच्या पात्रातील पाण्यावर अंदाजे 32 ते 33 वयाच्या अज्ञात युवकाचा मृतदेह तरंगताना आढळून आला आहे. आज सायंकाळी साडे सहा वाजण्याच्या सुमारास येथील विप्रदत्त घाटानजीकच्या नदीपात्रावर एका तरुणाचा मृतदेह तरंगत असल्याची माहिती पोलिसांना मिळताच सदर तरुणाचा पाण्यावर तरंगणारा मृतदेह पोलिसांनी पाण्याबाहेर काढला. सदर युवकाचेे लाल शर्ट, लाल बनियान, व निळी जिन्स पॅन्ट हे कपडे नदीच्या काठावर आढळून आले आहेत. त्याच्या खिशामध्ये लातुर-पंढरपूर रेल्वेचे तिकीट मिळाले आहे. अंधारामुळे या भागात अधिक तपास करता आला नाही.  सदर मृतदेह उत्तरीय तपासणीसाठी उपजिल्हा रुग्णालयात नेण्यात आला असून याबाबतची नोंद करण्याचे काम चालु असल्याची माहिती पोलिस नाईक ननवरे  यांनी पंढरपूर लाईव्हशी बोलताना दिली.

  

मुख्य संपादक-भगवान गणपतराव वानखेडे