पंढरपूर बसस्थानकावर प्रवाशांचे हाल! लोकप्रतिनिधी व अधिकार्‍यांचे दुर्लक्ष
पावसाळ्यापूर्वीच येथील ङ्गलाटावरील डांबरीकरण होणे आवश्यक होते. याबाबतही आम्ही प्रसिध्द केलेल्या वृत्तामध्ये उहापोह केलेला होता. मात्र या वृत्ताकडे कानाडोळा करणार्‍या अधिकार्‍यांच्या व स्थानिक लोकप्रतिनिधींच्या निष्क्रीयेतमुळे सध्या पावसाळा सुरु झाल्यानंतर प्रवाशांसह दैनंदीन कामकाजासाठी दररोज बाहेरगावी जाणार्‍या पंढरपूरकरांना व वारकर्‍यांना बसस्थानक आवारातून ङ्गिरताना तारेवरची कसरत करावी लागत आहे. बसस्थानकासमोरील खड्ड्यांमध्ये मोठ्या प्रमाणात पाणी साठल्याने ङ्गलाटाला तळ्याचे स्वरुप प्राप्त झाले आहे. अबालवृध्दांंना व महिलांना याचा त्रास मोठ्या प्रमाणात होत आहे. महामंडळाच्या संबंधीत अधिकार्‍यांनी व स्थानिक लोकप्रतिनिधींनीही आपली जबाबदारी समजुन किमान येथील ङ्गलाटावरील खड्डे बुजवून याची दुरुस्ती त्वरीत करण्यासाठी योग्य ती पावले त्वरीत उचलावीत अशी मागणी प्रवाशी, वारकरी व नागरिकांमधून होत आहे.