खळबळजनक... सांगोला तालुक्यातील 50 वर्षीय गृहस्थाचे राहत्या घरातून कुटूंबासमक्ष अपहरण...

सांगोला तालुक्यातील मौजे हलदहीवडी, चव्हाण मळा येथील 50 वर्षी गृहस्थाचे राहत्या घरातून त्याच्या कुटूंबासमक्ष चार चाकी गाडीत घालून अपहरण झाल्याची खळबळजनक घटना घडली आहे. 

याबाबत सांगोला पोलिस स्टेशनकडून समजेलल्या माहितीनुसार दि. 29 जानेवारी 2019 रोजी रात्री 11 वाजण्याच्या सुमारास वरील ठिकाणी वास्तव्यास असणारे यशवंत नामदेव चव्हाण (वय 50) हे आपल्या कुटूंबियांसह झोपलेले असताना त्यांचे घरासमोर एक अनोळखी इसम आला व बुवा... बुवा..! अशी हाक मारु लागला. तेंव्हा घरातील सर्वजण घराबाहेर आले. असताना त्यांचे दारासमोर चार लोक आलेले दिसले. त्यातील लोकांनी चव्हाण यांच्या काखेत हात घालुन त्यांना सोबत घेऊन जाण्याचा प्रयत्न केला तेंव्हा चव्हाण यांच्या पत्नीने त्यांना अडवले असता त्यांच्या पत्नीला मारहाण करत सदर चार लोकांनी चव्हाण यांना कोणत्या तरी अज्ञात कारणावरुन चार चाकी गाडीत घालून त्यांचे अपहरण केले. या घटनेत चव्हाण यांच्या पत्नीच्या दंडाला मुक्का मार लागला आहे.