रत्नागिरीत ‘हवेत’ साखरपुडा! पॅरासिलिंग करत प्रेमी युगुलाने बांधल्या आयुष्याच्या गाठी
दापोली : दापोली येथील मुरुड-कर्दे समुद्र किनाऱ्यावर अनोखा साखरपुडा सोहळा पार पडला. मनाली वाळिंबे आणि रोहन कुलकर्णी यांनी चक्क प्यारासेलिंगच्या माध्यमातून समुद्रात उंच भरारी घेत एकमेकांना अंगठी घातली.
मुरुडच्या समुद्र किनाऱ्यावर दोन बोटी साखरपुड्या करिता सजवण्यात आल्या होत्या. बोटीने किनारा सोडल्यानंतर काही मिनिटातच मनाली वाळिंबे आणि रोहन कुलकर्णी यांनी प्यारासेलिंगच्या माध्यमातून उंच आकाशात भरारी घेतली आणि उंच आकाशात असतानाच या दोघांनी एकमेकांना अंगठी घातली.
या अनोख्या साखरपुड्याची दापोलीत चांगलीच चर्चा रंगलेली पहायला मिळते आहे.